Góður cruisedagur í Funningi
Hósdagin 2. mai vitjaði flotta ferðamannaskipið Ultramarine hjá Quark Expeditions í Funningi. Hetta er fyrsta skip av trimum, sum vitjar bygdina í ár. Ferðafólk og manning, umleið 140 í tali, vórðu sigld inn á lendingina við skjóttgangandi gummibátum, har lokala cruisetoymið vóru klár at taka ímóti gestunum.
Slíkar móttøkur av cruise-gestum verða skipaðar eftir einum serstøkum leisti, har høvuðsfyriskipararnir leggja stóran dent á at tryggja sær eitt sosialt burðardygt tiltak. Vitjanin var einastandandi væl eydnað fyri allar partar. Bygdafólkið í Funningi hevur saman við Runavíkar havn og Visit Runavík fyrireikað vitjanina og skipað fyri alskyns lokalum upplivingum.
Umboðsfelag hjá Ultramarine í Føroyum er Faroe Ship.
Vit ynskja Ultramarine, manning og ferðafólki eina góða ferð víðari í norðurhøvum við kós móti Jan Mayen. Næsta skip kemur til Funnings leygardagin 25. mai 2024.
A successful cruise visit
The expedition cruise ship Ultramarine from Quark Expeditions anchored outs…
United States Coast Guard on visit
Wednesday 1 May representatives from the United States Coast Guard were on…
Ultramarine in Funningur 2 May
Ultramarine calls the village Funningur on Thursday 2 May. The ship will an…
Ambition on Maiden Call
Ambition calls the Port of Runavík for the first time on Tuesday 19 March a…